A Coruña

Situada no Noroeste da Península Ibérica, é unha cidade milenaria, atlántica e cosmopolita, na que o océano foi protagonista dos seus máis de 2.000 anos de historia.

A Coruña é unha cidade de mil posibilidades. Da máis tranquila paisaxe mariña a rúas cosmopolitas e vitais iluminadas polo sol ou o neon. Dende voces proclamando as existencias nos postos de peixe e marisco ata os paseos pola Cidade Vella, polo Paseo Marítimo, polas súas praias de areas finas e brancas. Con lugares para o esparexemento e espazos naturais onde gozar de vistas e paisaxes espectaculares. Dende arte e museos, pasando por restaurantes, tascas, pubs e bares ata as discotecas, o casino e os recitais de música clásica.

MUSEOS CIENTÍFICOS

Coñecidos como as Tres Casas, neles descubrirás o mundo submarino, os segredos do ser humano e os enigmas do firmamento.

O universo ao alcance da túa man para que o goces cos cinco sentidos:

Aquarium Finisterrae - Casa dos Peixes	Casa das Ciencias - Planetario	Domus, Casa do Home - Cine Imax

CASTELO DE SAN ANTÓN

Antiga fortaleza e prisión e actual museo arqueolóxico e histórico.

TORRE DE HÉRCULES. Patrimonio da Humanidade

Símbolo da Coruña e único faro romano do mundo en funcionamento.
Case 2.000 anos de historias do símbolo da cidade baixo o cal, di a lenda, está enterrado o xigante Xerión.

Unha visita á nosa cidade non estaría completa sen gozar das magníficas vistas que ofrece este faro declarado Patrimonio da Hunanidade no ano  2009.